Chaith Nan saol nárbh éagoiteann i gcás mhuintir Thír san aois seo caite: seal ag obair in Albain agus tromlach a saoil ag tógáil clainne agus ag obair ar ais sa bhaile. Rinne sí cuid mhór i rith a saoil, chonaic sí cuid mhór agus choinnigh cuimhne ar a ndeachaigh sí fríd.
Bhí sí siúlach, scéalach, dúil aici i gcuideachta agus i ngreann, sochaideartha agus garach. Bhí bua eile aici, mar atá, bua na scéalaíochta, agus tá a fhainaise sin againn sna scéiliní, idir ghreannmhar agus truacánta, fána saol féin atá sa leabhar seo.
